Loading...
Ella teoria vegnan las strategias d’emprender classificadas en duas gruppas: strategias primaras e strategias da sustegn (mira illustraziun). El center dallas strategias primaras stat igl object d’emprender. Auter ei quei tier las strategias da sustegn. Ellas vulan crear cundiziuns optimalas e levgiar aschia igl entir process d’emprender. Ella pratica funcziunan quels differents tips e models denton buc a moda isolada. Quei munta ch’ils emprendiders ston cumbinar differentas strategias e metodas d’emprender ina cun l’autra. Per quei motiv eis ei indispensabel ch’ils scolars e las scolaras survegnan gia baul la pusseivladad d'examinar differentas strategias e d’anflar lur atgna via d’emprender.
