casa

„Wir wissen zwar noch nicht genau, welche Herausforderungen schon die nahe Zukunft bringen wird. Eines aber ist klar: Wir benötigen Menschen, die selbstständig denken können, und solche, die wissen, wie sie sich neue Lerninhalte aneignen können.‟ Karin Holenstein (2018)

Per satisfar a quellas aultas pretensiuns eis ei impurtont ch’ils affons sviluppeschien gia ella scola primara bunas strategias d’emprender e ch’els seigien capavels d’emprender a moda autonoma. Quella finamira surordinada ei era francada el plan d’instrucziun 21. Per romontsch dat ei denton negin mied d’instrucziun che promova specificamein quella cumpetenza. Per quei motiv sun jeu sedecidida d’elavurar sco lavur da bachelor in sustegn per promover las strategias d’emprender dils scolars e dallas scolaras sco era igl emprender a moda autonoma. Il product final, che sebasa silla teoria elavurada, ei quella pagina d’internet. Ella cuntegn actualmein differents videos e divers material per tematisar, approfundar ed exercitar las strategias d'elavuraziun e d'organisaziun. Ella cuarcla denton aunc per bia buca tut las strategias d’emprender e fa aschia era buca la pretensiun d’esser cumpleta.

Ed ussa giavischel jeu a ti bien divertiment da scuvierer la pagina d’internet e sperel fetg che ti anflies ina ni l’autra strategia d’emprender che gida tei ni tia classa d’emprender.