Loading...
Strategias primaras, era numnadas strategias cognitivas, promovan la capientscha, la memorisaziun, la consultaziun ed il transfer da savida. En scola vegnan ellas duvradas per explorar, capir, memorisar e reflectar novas enconuschientschas. Process cognitivs tipics cumpeglian per exempel la habilitad da colligiar novas enconuschientschas cun la presavida, repeter ed exercitar novs cuntegns, resumar text en scret sco era cun agid d’illustraziuns. Las strategias primaras vegnan divididas en quater sutcategorias: strategias d’elavuraziun, strategias da repetiziun, strategias d’organisaziun e strategias dil diever da savida. Las differentas strategias han pil pli in caracter multifuncziunal. Concret munta quei ch’in mindmap sa s’uder ton tier las strategias d’elavuraziun sco era tier las strategias d’organisaziun. Decisiv ei adina sin tgei ch’igl accent vegn mess.