You are using an outdated browser. For a faster, safer browsing experience, upgrade for free today.

Loading...

strategias d'elavuraziun

Strategias d’elavuraziun promovan la capientscha sco era la memorisaziun da novas enconuschientschas a liunga vesta. Quei succeda cun colligiar ed integrar novas informaziuns en structuras ed enconuschientschas gia existentas. Quellas strategias numn'ins era "strategias profundas", perquei ch’ellas han l’intenziun d’approfundar l’entira tematica e da colligiar novas enconuschientschas cun la presavida.

Dapli informaziuns davart strategias d'elavuraziun concretas anflas ti els videos sutvart. 

Gliesta d'ABC

La gliesta d’ABC san ins duvrar per activar la presavida ni per repeter novas enconuschientschas. Ins sa denton era luvrar cun ella dafertontier ed adina puspei aschuntar ella cun novs cavazzins. Il grond avantatg da quella metoda d’emprender ei ch’ins consolidescha ed approfundescha automaticamein l’entira tematica. 

Placemat

Tier quella metoda scrivan ils scolars e las scolaras tut quei ch’els san schon davart ina tematica sin in fegl. Mintgin e mintgina astga duvrar in cantun da quei fegl per far notizias. Silsuenter vegnan ils inputs rimnai e notai communablamein en gruppa. Quei vegn notau sil medem fegl, semplamein enamiez el dretganghel. 

Crear maletgs e visualisar

Quella metoda permetta da transformar novas enconuschientschas en maletgs ed aschia visualisar ellas. Quella transformaziun da plaids en maletgs promova la capientscha e gida a memorisar e ad emprender a liunga vesta.